04.01.2026 күнгі шыгарылым

Бұл шығарылымда біз қазақ киносының бір жылдағы елеулі оқиғаларына көз жүгіртіп, оның шын мәнінде немен есте қалатынын саралаймыз. Прокат пен телехикаялардағы басты үрдістерге, жаңа есімдер мен күтпеген табыстарға тоқталамыз. Қай жанрлар алдыңғы қатарға шыққанын, режиссёрлердің кейіпкер мен уақытқа деген көзқарасы қалай өзгергенін талдаймыз. Ең бастысы — ұзақ уақытқа жадымызда сақталатын жыл жаңалықтарын жеткізуге тырысамыз.

Құрметті «Киногер» бағдарламасының көрермендері және қадірлі кинематографистер! Сіздерді Жаңа жылмен шын жүректен құттықтаймыз!
Бұл жыл қазақ киносында шынайылықтың, батылдықтың және ішкі қуаттың қаншалықты мол екенін көрсетті. Авторларға — шынайы оқиғалар, маңызды тақырыптар туралы батыл сөздері және көбіне кадр сыртында қалатын, бірақ аса маңызды еңбектері үшін алғыс айтамыз. Көрермендерге — назарларыңыз, сенімдеріңіз және экрандағы кейіпкерлермен бірге сезіне білуге дайын екендеріңіз үшін рақмет.
Жаңа жылда киноқауымдастық ішінде бір-бірін қолдау, құрметтеу, дәріптеу көп болсын. Өз көрерменін табатын фильмдер дүниеге келсін, ал көрермендер сол оқиғалардан өздерін тапсын.
Баршаңызға шабыт, өз үніңізге деген сенім және жасап жатқан, көріп отырған дүниеңізден туындайтын риясыз қуаныш тілейміз.
Жаңа жыл құтты болсын!